Архив событий

Арал аудандық сотында сот төрағасы Е.Тұрбаевтың төрағалық етуімен дөңгелек үстел өткізіліп, онда «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» заңын қолдануға қатысты сұрақтар талқыланды.

Шараға аудандық соттың судьялары, аудандық прокуратура, аудандық ішкі істер бөлімінің және пробация қызметінің қызметкерлері қатысты.

Арал аудандық сотында қылмыстық іс бойынша брифинг өтті. Брифингті Арал аудандық сотының судьясы Н.Бекетаев жүргізді.

Брифингке жергілікті бұқаралық ақпарат құралдарының өкілдері қатысты. Шара барысында судья Н.Бекетаев Қазақстан Республикасының ҚК-нің 106-бабының 2 бөлігінің 7 тармағымен қаралған А-ның қылмыстық ісі бойынша мәлімет берді.

Қызылорда облыстық сотының аймақтық оқу орталығы судьялар мен сот қызметкерлерінің біліктілігін арттыру, тағылымдамадан өткізу шараларын тұрақты түрде жүргізіп келеді.

Қызылорда облысының кәмелетке толмағандардың істері жөніндегі мамандандырылған ауданаралық сотына талапкер О. талап арыз берді. Онда сот шешімімен жауапкер Е-ның пайдасына екі баласын асырап бағуына айлық табысының 1/3 бөлігін, кәмелетке толмаған бір баласын асырап бағуына жауапкер С-ның пайдасына айлық табысының ¼ бөлігін төлеп отырғанын, алимент мөлшері 75 пайыздан асқанын, заң талабына сай алимент мөлшері 50 пайыздан аспауы тиіс екенін көрсетіп, соттан жауапкерлердің пайдасына өндіріліп отырған алимент мөлшерін 50 пайызға дейін азайтуды сұрады.

Қызылорда облысының қылмыстық істер жөніндегі мамандандырылған ауданаралық сотының судьясы А.Сабыров, жұртшылық арасында қоғамдық пікір туғызған іс бойынша, БАҚ өкілдеріне брифинг өткізді.      

Сотталушы әйел өзімен бірге спирт ішімдігін ішкен бөтелкелесімен ұрысып, ұрыс барысында асхана пышағымен қаруланып, жәбірленушінің денесіне өміріне қауіпті іш тұсынан және кеуде тұсынан қасақана ауыр жарақат салып, адам өлтірген. Қылмыстық іс бойынша БАҚ өкілдерінің қойған сұрақтарына жауап берді.

Шиелі аудандық сотында талап қоюшы «Шиелі ауданы бойынша мемлекеттік кірістер басқармасы» ММ-нің жауапкер К-дан көлік салығы бойынша қарызын өндіру туралы азаматтық ісі оңайлатылған тәртіппен қаралды.

Іс құжаттарына сәйкес, жауапкерге салық заңнамасы бұзушылықтарын жою жөніндегі хабарлама табысталған. Алайда, салық бойынша қарызы өтелмеген.

Қызылорда қалалық сотына талап қоюшы Н. жауапкер Б-дан 21 жасқа толғанша алимент  өндіруді сұрап сотқа жүгінген.

Сот отырысында талап қоюшы Н. талап арызда көрсетілген талаптарын толығымен қуаттап, кәсiптiк оқу орнында оқығандығы себепті жауапкер Б-дан жиырма бір жасқа толғанша, ай сайын 50 айлық есептік көрсеткіш мөлшерінде алимент өндіріп беруді сұрады.