Әділхади Жұмабайұлы Шығамбаев 1968 жылы 2 ақпанда Қызылорда облысында дүниеге келген. 1994 жылы Әл-Фараби атындағы Қазақ мемлекеттік университетін заңгер мамандығы бойынша тәмамдаған.
Еңбек жолы:
1994-1995 жылдары Алматы қаласы, Ауэзов аудандық прокуратурасында аға тергеушінің стажері, аға тергеуші, Алматы қалалық прокуратурасында аса қауіпті қылмысты анықтау бөлімінде аса ауыр істер бойынша тергеуші;
1996-1998 жылдары құқық қорғау органдарында қызметте;
1998-2002 жылдары Маңғыстау облысы, Ақтау қалалық сотының судьясы; 2002-2007 жылдары Ақтау қалалық сотының төрағасы;
2007-2012 жылдары Ақтөбе облысының мамандандырылған ауданаралық экономикалық сотының төрағасы;
2012-2017 жылдары Атырау облыстық сотының азаматтық істер жөніндегі сот алқасының төрағасы;
2017-2022 жылдары Қызылорда облыстық сотының азаматтық істер жөніндегі сот алқасының төрағасы болып қызмет атқарған.
Қазақстан Республикасы Президентінің 2022 жылғы 11 шілдедегі №956 Жарлығымен Қызылорда облыстық соттың төрағасы қызметін атқарып келеді.