Архив событий

Қызылорда облысының мамандандырылған ауданаралық экономикалық сотымен БАҚ өкілдерінің сот ғимаратына кіру мәселелері бойынша Қазақстан Республикасы Жоғарғы Сотының хатында көрсетілген тапсырманы орындау мақсатында дөңгелек үстел ұйымдастырылады.

19.01.2017 жылы сағат 16.00-де Қызылорда облысының мамандандырылған ауданаралық экономикалық сотында өткізілетін дөңгелек үстелге Қызылорда қаласында орналасқан барлық БАҚ өкілдері және Қызылорда облысының мамандандырылған күзет қызметі басқармасының өкілдері шақырылады.

Сот төрелігінің ашықтығын қамтамасыз ету, азаматтардың сот жүйесіне деген сенімін арттыру, сот төрелігін атқару барысында азаматтардың заңды құқықтарының сақталуын қорғау мақсатында Шиелі аудандық сотында 2017 жылдың 27 қаңтары күні сағат 10:00-ден 12:00-ге дейін "Ашық есік күні" өткізіледі.

Азаматтар мен заңды тұлғаларды  сот төрелігін жүзеге асыруға байланысты қатысты сұрақтарымен Шиелі аудандық сотының төрағасы қабылдайды.

Қызылорда облысының кәмелетке толмағандардың істері жөніндегі мамандандырылған ауданаралық сотында сотталушы А-ға үкім жарияланды.

Кәмелетке толмаған сотталушы А. өзінің танысы П-мен дүкен маңайында жәбірленуші М-ны кездестіріп, онымен ерегісіп қалған. Осы сәтте кәмелетке толмаған сотталушы А. жәбірленуші М-ны ұрып, өзінің жиналмалы пышағымен жәбірленушіге дене жарақатын салып, оқиға болған жерден бой тасалаған.

Жалағаш аудандық сотында 24 қаңтар 2017 жылы сағат 16.00-ден 18.00-ге дейін Жалағаш кенті, Абай көшесі, 39 мекен-жайда орналасқан сот ғимаратында «Ашық есік күні» өткізілетіндігі хабарланады.

Қазақстан Республикасының Азаматтық процестік кодексінің 174 бабына сәйкес, сот тараптардың татуласуы үшін шаралар қолданады, дауды процестің барлық сатыларында реттеуде оларға жәрдемдеседі.

Тараптар татуласу келісімін, дауды (жанжалды) медиация тәртібімен реттеу туралы келісімді немесе дауды партисипативтік рәсімдер тәртібімен реттеу туралы келісімді жасап, не Азаматтық процестік Кодексте белгіленген тәртіппен өзге де тәсілдерді пайдалана отырып, дауды өзара талаптардың толық көлемінде не бір бөлігінде реттей алады.

Қызылорда қалалық соты төрағасы А.Бабатов судьялардың қатысуымен жедел кеңес өткізді.

Жедел кеңесте судьялар азаматтық істердің кейбір санаттарын қарау барысында туындайтын мәселелерді талқылады. Атап айтқанда, азаматтардың салық бойынша берешектерін өндіру туралы азаматтық істер бойынша талап қою арыздарын қарау, сот қаулыларын қабылдау және оларды орындауға жолдау бойынша сұрақтар талқыланды.

Қызылорда қаласының №2 сотының судьясы Д.Алиев сотта қаралған қылмыстық іс бойынша БАҚ өкілдеріне брифинг өткізді.

ҚР ҚК-нің 188-бабының 2-бөлігінің 2,3-тармақтарымен сотталушы Ш. танысы Е-нің үйіне барып, қонатын жері жоғын айтып, сол үйде қонып қалған. Содан, үй иесі С-ның кетіп бара жатқанын, ал танысы Е-нің ұйқысынан тұрмағанын пайдаланып, үй ішін тінтіп, ақша ұрлап, жәбірленуші С-ға 100 000 теңге мүліктік шығын келтірген. Аталған қылмыстық іс бойынша судья Д.Алиев журналист қойған сұрақтарына жауап берді.

Қызылорда  қалалық  мамандандырылған  әкімшілік сотында құқық бұзушы Е-ге  қатысты әкімшілік  іс  қаралды.

Құқық  бұзушы Е. Қызылорда қаласы Тасбөгет кенті Жүнісбаев көшесіндегі  үйіне алкогольдік масаю күйінде келіп, өзінің әйелінің мазасын алып, отбасы жанжалын шығарған. Сөйтіп, құқық бұзушы Е. ішкі істер органының қорғау нұсқамасын бұзған.

Соттың  қаулысымен  құқық бұзушы Е. ҚР ӘҚБтК-нің 461-бабымен кінәлі деп танылып, оған әкімшілік жаза ретінде ескерту жасалды.