Архив событий

Қызылорда облысының қылмыстық істер жөніндегі мамандандырылған ауданаралық сотының судьясы С.Сүлеймен, жұртшылық арасында қоғамдық пікір туғызған іс бойынша, БАҚ өкілдеріне брифинг өткізді.     

Сотталушы атыс қаруын заңсыз сақтап, тасымалдап, алып жүріп жәбірленушінің денсаулығына бұзақылық ниетпен қасақана ауыр зиян келтірген. Аталған қылмыстық іс бойынша БАҚ өкілдерінің қойған сұрақтарына судья жауап берді.

Сот үкімімен сотталушы түпкілікті 5 жылға бас бостандығынан айырылды, жазасын жалпы режимдегі түзеу колониясында өтеуге деп белгіленді.

Қызылорда қаласының №2 сотында Қазақстан Республикасы Президентінің 2016 жылғы 30 желтоқсандағы №399 Жарлығымен жаңадан тағайындалған судья Жәкеева Жұлдыз Жақсыбайқызын облыстық соттың қылмыстық істер жөніндегі алқа төрағасы Қалымбет Бақытжан Мүсілімбекұлы сот ұжымына таныстырды.

 Ж.Жәкеева бұған дейін Қызылорда облыстық сотында сот маманы, сот мәжілісінің хатшысы қызметтерін атқарған және Қазақстан Республикасының Президентінің жанындағы Мемлекеттік басқару академиясында «заң ғылымдарының магистрі» дәрежесін алған.

2017 жылдың 13 қаңтарында сағат 16:00 мен 18:00 аралығында Байқоңыр қалалық сотында «Ашық есік күні» өтеді.

«Ашық есік күні» іс-шарасы халыққа құқықтық көмек көрсету, құқықтық мәдениетті арттыру, азаматтардың сот жүйесіне деген сенімінің деңгейін арттыру мақсатында өткізіледі.

 «Ашық есік күні» қосымша ақпараттар алу үшін (8-336-22)7-38-55 телефон номеріне хабарласуға болады.

Біздің мекен-жайымыз: Байқоңыр қаласы, Максимова көшесі, 17 «а» үйі.   

Жаңақорған аудандық сотында құқық бұзушы К-ге қатысты әкімшілік іс қаралды.

Сотта анықталғандай, құқық бұзушы К. көлік құралын алкогольдік масаң күйде басқарып, Жол жүрісі қағидаларының 2.4.2 тармағын қасақана бұзып, әкімшілік құқық бұзушылық жасаған.

Жаңақорған аудандық сотының қаулысымен құқық бұзушы К. Қазақстан Республикасы ӘҚБтК-нің 608-бабы 1-бөлігімен кінәлі деп танылып, 3 жылға көлік басқару құқығынан айыру жазасы тағайындалды.

Қаулы заңды күшін енген жоқ.

Қызылорда облысының кәмелетке толмағандардың істері жөніндегі мамандандырылған ауданаралық соты А-ға қатысты әкімшілік іс қарады.

Құқық бұзушы А-ның тәрбиесіндегі кәмелет жасына толмаған баласы Ж. көп қабатты үй ауласында орналасқан ойын алаңының жанында тұрып шемішке шағып, қалдығын жерге тастап, қоғамдық орынды ластаған, яғни, Қазақстан Республикасы ӘҚБтК-нің 435 бабында көзделген әкімшілік құқық бұзушылық әрекетін жасаған.

Сот отырысында құқық бұзушы А. кінәсін мойындайтынын, алдағы уақытта ондай әрекеттерге жол бермейтінін көрсетті.