Архив событий

Қызылорда қаласының №2 соты сот қызметкерлерінің қатысуымен «Гибридтік электрондық пошта арқылы «Төрелік» АС-ке сотқа шақыртулар жолдау тәртібі» тақырыбында семинар өтті.

Кеңсе меңгерушісі Ұ.Шабарова гибридтік электрондық пошта арқылы сотқа шақыртулар жолдау тәртібінің негізгі жақтарын түсіндіріп өтті. Гибридтік пошта – бұл электрондық құралды пайдалану арқылы алушыға жеткізілетін қағаз почта.

Республика судьяларының тартысты додасында Қызылорда облысы соттарының судьялар командасы жеңіс тұғырынан көрінді.

Атап айтқанда, Сыр судьяларының командасы мини футболданбірінші орын алды, команданың құрамында Қызылорда қалалық сотының төрағасы А.М.Бабатов, судьялар Б.С.Пазылов, Ә.М.Жұмабаев, Т.Қ.Жүсіповтер  ойнады.

Әмірхан Жұмабаев «Үздік шабуылшы» номинациясына лайық деп танылды.

Қазалы аудандық сотында 2016 жылдың 21-қыркүйегінде сыбайлас жемқорлық санатындағы қылмысты жасаған сотталушылар У. мен С-ға қатысты  қылмыстық іс қаралды.

Қызылорда облысының кәмелетке толмағандардың істері жөніндегі мамандандырылған ауданаралық сотының ұжымы еңбек ардагері, отставкадағы судья Зина Ізбастықызын Қазақстан Республикасының «Еңбек күні» мерекесімен құттықтады.

Кеңсе меңгерушісі Мөлдір Асанова Зина Ізбастықызына зор денсаулық, таусылмас бақ-береке,  шаңырағына  шаттық пен  қуаныш   тілеп, арнайы дайындалған адресат пен гүл шоғын табыстады.

Қызылорда облысының қылмыстық істер жөніндегі мамандандырылған ауданаралық сотының бас маман - баспасөз хатшысы Р.Хизатова жұртшылық арасында қоғамдық пікір туғызған іс бойынша, БАҚ өкілдеріне брифинг өткізді.      

3 адам топ мүшелері болып, екінші бір топ мүшелеріне барып, 40 метрдей жерден атыс қаруымен бірнеше адамдардың өміріне қауіпті оқ атқан, нәтижесінде адам қаза болған қылмыстық іс бойынша БАҚ өкілдерінің  қойған сұрақтарына жауап берді.

21 қыркүйек 2016 жылы Сырдария аудандық сотында Қазақстан Республикасының ӘҚБтК-нің 434 бабының 2 бөлігімен құқық бұзушы Н-ға қатысты әкімшілік іс қаралды.

Іс құжаттарына сәйкес, құқық бұзушы Н. Тереңөзек кенті, Қазақ көшесінің бойында, яғни қоғамдық орында арақ ішкен мас күйінге былапыт сөйлеп, айналасындарға сыйламаушылық білдірген.

Сот отырысында құқық бұзушы Н. өзінің кінәсін толығымен мойындап, жасаған әрекетіне өкінетінін білдірген.

Жуырда Қызылорда қаласының мамандандырылған әкімшілік сотында Қазақстан Республикасы ӘҚБтК-нің 27-тарауына сәйкес, басқарудың белгіленген тәртібіне қол сұғатын әкімшілік құқық  бұзушылықтар тақырыбында дөңгелек үстел өтті.

Шараға Қызылорда қаласының мамандандырылған әкімшілік сотының судьялары және Қызылорда облысы бойынша экология Департаментінің қызметкерлері  қатысты.

2016 жылдың 27 қыркүйегінде сағат 9.00-ден 13.00-ге дейін Қызылорда облыстық сотының бастамасымен сот жүйесінің ашықтығын, жариялылығын және қолжетімділігін қамтамасыз ету мақсатында облыс тұрғындары үшін online режимінде интернет-конференция өтеді.