Қызылорда облысының кәмелетке толмағандардың істері жөніндегі мамандандырылған ауданаралық сотында «Ашық есік күні» шарасы өткізілді. «Ашық есік күніне» келген азаматтарды төраға А.Әбу қабылдады.
Қабылдауға А.Жумаева, Б.Жумаев, С.Алтынбаева, Қ.Бейжігітова қатысып, өздерін толғандырып жүрген мәселелері бойынша сауалдарын қойды.
22 маусым 2016 жылы Сырдария аудандық соты мен аудандық Халыққа қызмет көрсету орталығы (ХҚКО) бірлескен «ХҚКО-нан ҚР Жоғарғы Сотыныың интернет-ресурсының «Сот кабинеті» электрондық ақпараттық сервисі арқылы электрондық арыздарды беру» тақырыбында дөңгелек үстел өткізілді.
Қармашы аудандық сотының ұйымдастыруымен 21.06.2016 жылы Қазақстан Республикасы Үкіметінің 29 желтоқсан 2015 жылғы №1110 қаулысымен бекітілген «Адвокат көрсететін заң көмегіне ақы төлеу және қорғау мен өкілдік етуге байланысты шығыстарды өтеу мөлшерін белгілеу туралы» тақырыбында дөңгелек үстел өткізілді.
Іс-шараға Қармақшы аудандық сотының төрағасы мен судьясы, прокуратура мен ішкі істер органдарынын өкілдері қатысты.
Қазалы аудандық сотында 22 маусым 2016 жылы жергілікті «Серік ТВ» телеарнасының қатысуымен брифинг өтті.
Брифингте аудандық сот төрағасы Қ.Темірбаев Қазақстан Республикасы ҚК-нің 190-бабының 3-бөлігінің 1-тармағымен сотталушы Г-ның қылмыстық ісі бойынша ақпарат берді.
Қазалы аудандық сотында ҚР ӘҚБтК-нің 653-бабының 1-бөлігімен азаматша А-ға қатысты әкімшілік іс қаралды.
Азаматша А., ҚР ҚК-нің 190-бабының 3-бөлігінің 1-тармағымен айыпталған сотталушы Г-ның қылмыстық ісі бойынша 2016 жылдың 13 және 21 маусымына тағайындалған сот отырыстарына куә ретінде шақырылғанын біле тұра, дәлелсіз себептермен сот отырыстарына келмей, ҚР ӘҚБтК-нің 653-бабының 1-бөлігінде қаралған құқық бұзушылықты жасаған.
Сот отырысында азаматша А-ның әрекеті өзінің мойындау жауабымен және өзге де құжаттармен өз дәлелін тапты.
21 маусым 2016 жылы Жаңақорған аудандық сотында Қазақстан Республикасының «Тіл туралы» заңының қолданылу мәселелері» тақырыбында дөңгелек үстел ұйымдастырылды.
Бас қосуға сот судьялары мен кеңсе қызметкерлері, аудан әкімдігінің, кент әкімдігінің, аудандық білім бөлімінің, аудандық мәдениет және тілдерді дамыту бөлімінің, Жаңақорған АІІБ-нің, аудандық әділет басқармасының, Жаңақорған желілік ішкі істер бөлімшесінің өкілдері қатысты.
21 маусым 2016 жылы Жаңақорған аудандық сотында жаңа Қазақстан Республикасының «Мемлекеттік қызметі туралы» және «Сыбайлас жемқорлыққа қарсы іс қимыл туралы» Заңдарын талқылау тақырыбында дөңгелек үстел өткізілді.
Іс-шараға аудандық сот судьялары мен кеңсе қызметкерлері, аудан әкімдігінің, кент әкімдігінің, аудандық білім бөлімінің, аудандық мәдениет және тілдерді дамыту бөлімінің, желілік ішкі істер бөлімшесінің, Жаңақорған АІІБ-нің, аудандық әділет басқармасының өкілдері қатысты.
Қызылорда қалалық сотында кеңсе қызметкерлері мен сот мәжілісі хатшыларының қатысуымен «Сот отырысының хаттамасын аудио-, бейне жазбаларды қолданып жүргізу тәртібі» тақырыбында оқып үйрену сабағы өтті.
Бас маман сот отырысының хатшылары сот отырысы хаттамаларын әзірлеу мерзімдері мен тәртібіне тоқталды, сондай-ақ, «Төрелік» жүйесіне енгізу, электрондық хаттамамен тараптарды таныстыру және судья мен сот отырысы хатшысының электрондық қолтаңбасын қою, қажеттілігіне қарай көшірмесін жасау тәртібі жайлы айтты.
22.06.2016 жылы Қызылорда қалалық мамандандырылған әкімшілік сотының судьясы А. Байбулатова ҚР ӘҚБтК-нің 819 бабының 2-бөлігін қолдану барысы туралы БАҚ өкілдерінің қатысуымен брифинг өткізілді.
Қызылорда қаласының №2 сотында 2016 жылдың маусым айының 20 жұлдызында брифинг өткізілді. Брифинг судья К.Кусекеев және бұқаралық ақпарат құралдарының өкілідерінің қатысуымен өткізілді.
Төрағалық етуші судья К.Кусекеев өз өндірісіндегі қаралған қылмыстық ісі жөнінде баяндады.
Қызылорда қалалық №2 сотында адамның өміріне қауіпті емес, денсаулықты қысқа уақытқа бұзылуға әкеп соққан денсаулыққа қасақана жеңіл зиян келтірген сотталушы К – ға қатысты үкім шықты.
Атап айтқанда, сотталушы К. 2016 жылдың наурыз айында туған ұлы А-ның бұрынғы заңды некеден ажырасқан жолдасы Г-ның үйіне келіп, Г-ның үш жастағы туған қызы Н-ның шашын қайшымен қырқып алып, Г-ны себепсіз ұрып-соғып денсаулығына жеңіл дәрежедегі дене жарақатын салған.
Қызылорда облыстық соты