Архив событий

Жаңақорған аудандық сотының төрағасы Н.Қосанов «Жаңақорған тынысы» газетінің тілшісі А.Жарыкбаевтың қатысуымен ағымдағы жылдың І жартыжылдық қорытындысы бойынша қаралған істер мен атқарылған шаралар жайлы брифинг өткізді.

Брифинг барысында сотпен сот төрелігін жүзеге асыру сапасын көтеру мен сот ісін уақытылы бастап, қысқа мерзімдерде қарау қатаң жолға қойылғаны және мемлекеттік статистикалық есептер айтылды.

Қазалы аудандық  сотында жергілікті «Тәуекел туы» газетінің редакторы М.Коптілеуовтың қатысуымен брифинг өтті.

Брифингте судья Д.Н.Абдыкалыков  Қазақстан Республикасы  ҚК-нің

300-бабының 1-бөлігімен айыпталған К-ның қылмыстық ісі бойынша ақпарат берді.

Сотталушы К., құрамында есірткі заттары бар, өсіруге тыйым салынған өсімдіктерді заңсыз егіп өсіріп, бақшалық жерге 2 түп құрамында есірткі заттары бар өсімдіктер егіп-өсіргендігі анықталған.

Қазалы аудандық сотында талапкер «М.Тынышпаев атындағы қазақ көлік және коммуникация академиясы» АҚ-ның жауапкер Т-дан берешек қарызын өндіру туралы азаматтық ісі қаралды.

Талап қоюшы  жауапкер Т-дан берешек қарызын және мемлекеттік баж алымын өндіру туралы талап арызбен сотқа жүгінген.

Сот шешімімен талап арыз қанағаттандырылып, жауапкер Т-дан «М.Тынышпаев атындағы қазақ көлік және коммуникация академиясы» АҚ-на 200 000 теңге және 6000 теңге мемлекеттік баж алымы өндірілді.

Қазалы аудандық соты азамат Ж-ға қатысты әкімшілік іс қарады.

Сот анықтағандай, азамат Ж. қоғамдық орында болып, коммуналдық қалдықтарды тастаған. Осы әрекетімен, ол ортақ пайдалану орнын ластап, айналасындағыларға сыйламаушылық білдірген және қоғамдық тәртіпті бұзған.   

Арал аудандық сотында жергілікті бұқаралық ақпарат құралдары өкілдерінің қатысуымен «Жұмысқа қайта орналастыру санатында қаралған азаматтық істер» бойынша брифинг өтті.

Брифинг барысында аудандық соттың судьясы Н.Бекетаев жұмысқа қайта орналастыру санатында қаралған істерге тоқталып, 2016 жылдың 1 жартыжылдығында аудандық сотта аталған санатта 4 талап арыз түсіп, 1 іс қараусыз, 1 іс қалдық қалғанын және 2 азаматтық іс бойынша шешім қабылданғанын айтып өтті. Сондай-ақ, журналистердің қойған барлық сауалдарына толық жауап берілді.

Жалағаш аудандық соты азаматша Ж-ға қатысты әкімшілік іс қарады.

Сот анықтағандай, азаматша Ж-ның кәмелетке толмаған қызы сағат 22.00-де көшеде болып, шемішке шағып, шемішке қалдығын жерге тастаған, осылайша кәмелетке толмаған қыз ұсақ бұзақылық жасап, қоғамдық тәртіп пен азаматтардың тыныштығын бұзған.