Архив событий

Аудандық соттың азаматтарды қабылдау кестесіне сәйкес, Жаңақорған аудандық сотының төрағасы Н.Қосанов 20 шілде 2016 жылы азаматтарды қабылдады.

Азаматтарды қабылдау барысында азаматша А. өзінің 1986 жылы Желтоқсан оқиғасына қатысқаны үшін Жаңақорған аудандық сотыны4 шешімімен Желтоқсан оқиғасынан зардап шегуші деп танылғанын, алайда, өзіне төленуге тиісті жәрдем ақыларды уәкілетті органдар тағайындамай отырғаны жайлы айтып, заң талаптарына түсіндірме сұрады.        

 Азаматша Б. сотқа көршісі жауапкер С-ға қатысты заңсыз иеліктегі жер телімін қайтару туралы талап қою арызын келтірді.

Іс қарау барысында көршілер арасында жер теліміне қатысты келіспеушілік туындағаны анықталды.

Сот анықтағандай, істі карау барысында тараптар дауды сот медиациясы тәртібімен шешуге келісіп, татуласу рәсімдерін өту туралы сот медиациясын өткізу жөнінде өтінішпен жүгінген.

 ҚР АПК-нің 278-баптың талабына сәйкес сот істі қысқартудың тәртібі мен салдарын тараптарға түсіндірді.

Сырдария аудандық сотында «Сот актілерін және хаттамаларын уақытылы енгізу» тақырыбында оқып үйрену сабағы өтті. 

Аудандық сот төрағасы А.Абдулла өз баяндамасында  судьялар мен сот қызметкерлеріне сот актілері мен хаттамаларды дер кезінде «Төрелік» ақпараттық жүйесіне енгізіп отыруды және сот актілерін іс бойынша тараптарға уақытылы беру қажеттігін атап өтті. 

Шиелі аудандық сотында «Сыбайлас жемқорлыққа қарсы күрес» тақырыбында  семинар  өтті.

Іс-шараға Шиелі аудандық сотының төрағасы М.Еркінбеков, судьялар  және  кеңсе қызметкерлері  қатысты.

Қазалы аудандық сотында азаматша А-ға қатысты әкімшілік құқық бұзушылық туралы іс қаралды.

Сотта, азаматша А., дүкенде жұмыс істей отырып, жиырма бір жасқа толмаған тұлғаға алкогольдік өнім сатқаны анықталған.

Сот қаулысымен азаматша А. Әкімшілік құқық бұзушылық туралы Қазақстан Республикасы кодексінің 200-бабының 1-бөлігі бойынша кінәлі деп танылып, лицензияның қолданысын 1 (бір) ай мерзімге тоқтата тұрып, оған 59 388  теңге айыппұл салу жазасы тағайындалды.