Дс, 25/07/2016 - 16:53
Жасалған қылмыстық құқық бұзушылықтың сипатына және ауырлығына қарай қылмыстық қудалау мен сотта айыптау жекеше, жекеше-жариялы және жариялы тәртіппен жүзеге асырылады.
Арал аудандық сотында жекеше айыптау тәртібімен қозғалған азаматша А.-ға қатысты қылмыстық іс қаралды. Іс құжаттарына сәйкес, азаматша К., жеке айыптау тәртібімен азаматша А.-ны Қазақстан Республикасы ҚК-нің 131-бабының 1-бөлігінде көрсетілген қылмыстық әрекетті жасағаны, яғни ұялы телефонына абыройы мен қадір-қасиетін әдепсіз түрде кемсітетін СМС хабарламаларды үздіксіз жазып, жібергені үшін, оны қылмыстық жауапқа тарту туралы сотқа арыз берген.
Сот талқылауы барысында жеке айыптаушы К., жеке айыпталушы А.-ға кешірім беріп, оны қылмыстық жауапкершілікке тарту туралы шағымынан бас тартатынын, сондықтан, қылмыстық істі қысқартуды сұрайтынын көрсетіп өтініш білдірді.
Осының негізінде сотталушы А.-ға қатысты жеке айыптау тәртібімен қозғалған қылмыстық іс, жеке айыптаушының айыптаудан бас тартуына байланысты өндірістен қысқартылды.
Сот қаулысы заңды күшіне енбеген.