жм, 28/04/2017 - 15:24
Байқоңыр қалалық сотында Өзбекстан Республикасының азаматы К-ге қатысты әкімшілік құқық бұзушылық туралы іс қаралды.
Өзбекстан Республикасының азаматы К. 02.03.2017 жылы Қазақстан Республикасына келіп, тіркеуге тұрғанда 01.04.2017 жылға дейін болатындығын көрсеткен.
Алайда, құқық бұзушы көші-қон карточкасында көрсетілген Қазақстан Республикасында болу мерзімі өткеннен кейін үш тәуліктен асатын кезең ішінде ел аумағынан кетуден жалтарып, Қазақстан Республикасының халықтың көші-қоны саласындағы заңнамасын бұзған.
Сот отырысында құқық бұзушы өз кінәсін толық мойындап, жасаған әрекетіне өкініш білдірді.
Байқоңыр қалалық сотының қаулысымен құқық бұзушы К. Қазақстан Республикасы ӘҚБтК-нің 517-бабының 4-бөлігімен кінәлі деп танылып, 1 тәулік мерзімге әкімшілік қамаққа жазаланады.
Қаулы заңды күшіне енген жоқ.