Архив событий

Бүгін Қызылорда облысының «Достық үйі» ғимаратының мәжіліс залында Қызылорда облысы соттары судьяларының қатысуымен «Даулардың жекелеген санаттары бойынша дауларды медиация тәртібімен сотқа дейінгі реттеуді енгізу бойынша пилоттық жобаны» талқылау мақсатында дөңгелек үстел өткізілді.

Дөңгелек үстел жұмысына «Медиацияны дамыту орталығының» кәсіби және кәсіби емес медиаторлары, нотариус және облыстық адвокаттар алқасының өкілдері қатысты.

Шиелі аудандық сотының төрағасы М.Еркінбеков құқық қорғау органдары мен жергілікті уәкілетті мекемелер өкілдері арасында «Қылмыстық, азаматтық және әкімшілік сот ісін жүргізу барысында Медиация заңының қолданылуы» тақырыбында дөңгелек үстел өткізді.

Шара барысында Қазақстан Республикасы «Медиация туралы» Заңының қолданылуы мен осы заңды іс жүзіне асыруға арналған ҚР Жоғарғы Сотының пилоттық жоба Ережесінің талаптары және азаматтық істерді қарауда медиация тәсілдерін қолдануға қатысты сұрақтар талқыланды.

Байқоңыр қалалық сотымен Қазақстан Республикасы ӘҚБтК-нің 669-бабы (сот үкiмiн, сот шешiмiн немесе өзге де сот актiсiн және атқарушылық құжатты орындамау) бойынша азамат И.-ға қатысты әкімшілік құқық бұзушылық туралы іс қаралды.

Байқоңыр қалалық сотының 2014 жылғы сот бұйрығына сәйкес талапкер К-ның пайдасына азамат И. 1/3 мөлшерінде алимент төлеуге міндетті. Алайда, ол бүгінгі күнге дейін дейін сот бұйрығының талаптарын орындамаған.