Архив событий

Елбасы Н.Ә.Назарбаевтың  «100 нақты қадам» Ұлт Жоспарының 17-ші қадамында судьялыққа үміткерлер соттарда стипендия төленетін бір жылдық тағылымдамадан өтуі көзделген. Бұдан былай барлық тағылымдамадан өтетін үміткерлерге лауазымдары сақтала отырып, өзінің басты жұмыс орнынан босатылып сынақтан өтуге мүмкіндік беріледі. Сынақтан өтушіге бір жылдық өтілімі бар аудандық және оған теңестірілген соттар судьяларының лауазымдық жалақысының 70 пайыз мөлшерінде еңбекақы төленеді және  қолайлы жағдайлар жасалумен қатар кандидаттарды іріктеу тәртібі күшейтілді.

Құқық бұзушы  Б. өзінің басқаруындағы «Ваз 21144 110-42» маркалы автокөлігін Қызылорда қаласы, Е.Көшербаев-Ә.Бөкейхан көшелері қиылысында басты жолмен сол жақ беттен қозғалып келген «Паз 32053» маркалы автокөлігіне жол бермей соқтығысқан, нәтижесінде осы соқтығысу салдарынан «Паз 32053» маркалы автокөлігі «Opel Vectra» маркалы автокөлігіне соққан. Нәтижесінде автокөліктерге мүліктік залал келтірген.  

Қызылорда қалалық сотының сот бұйрығымен борышкер М. өндіріп алушы Б-ның пайдасына 1/3 пайыз алимент өндіру туралы сот бұйрығы шыққанына қарамастан, құқық бұзушы М. аталған сот актісін орындамауына байланысты  ҚР ӘҚБтК-нің 669-бабымен әкімшілік құқық бұзушылық туралы хаттама толтырылып, сотқа жолданған.

Құқық бұзушы М. ҚР ӘҚБтК-нің 669-бабымен кінәлі деп танылып, 10 айлық есептік көрсеткіш көлеміндегі 21210 теңге айыппұл салынды.

Құқық бұзушы Н. алкогольдік масаң күйінде Қызылорда қаласы, Тасбөгет кенті Ғ.Мұратбаев көшесіндегі үйіне келіп, әйелі Ж-ға қарсы балағат сөз айтып, былапыт сөйлеп, тыныштықты бұзып, отбасы-тұрмыстық қарым-қатынастағы азаматтарға сыйламаушылық білдіретін іс-әрекеттерді  жасаған.

Құқық бұзушы Н. ҚР ӘҚБтК-нің 73-бабының 1-бөлігімен кінәлі деп танылып, оған әкімшілік жаза ретінде ескерту жасалды.

Құқық бұзушы Т. өзінің басқаруындағы «Камаз 5511» маркалы  автокөлігімен Қызылорда қаласы, Жаппасбай батыр көшесі №6 үй жанында жолдың қос жалпақ сызығын басып, қарама-қарсы бағытына шығып ҚР жол жүрісі туралы Қағидасының 9-бөлімінің 2-тармағының талаптарын сақтамай, ҚР ӘҚБтК-нің 596-бабының 3-бөлігінде көзделген құқық бұзушылықты жасаған.

Құқық бұзушы Т. ҚР ӘҚБтК-нің 596-бабының 3-бөлігімен кінәлі деп танылып, ол 1  жыл мерзімге көлік құралын басқару құқығынан айырылды.

Құқық бұзушы Т. өзінің басқаруындағы «LEXUS GS 300» маркалы автокөлігін Қызылорда қаласы, Төле би көшесімен басқарып келіп, Қызылорда қаласы, Төле би – М.Шоқай көшелері қиылысында  бағдаршамның қызыл түсіне кіріп, сол жағынан қозғалыс жасап келген «ВАЗ 21901-11-41» маркалы автокөлігіне  жол бермей соқтығысқан, соқтығысу  салдарынан жол жиегінде орналасқан темір қоршауларға, бағдаршамға және электр бағанасына соғып, жол - көлік оқиғасы болған жерден кетіп қалып, ҚР ӘҚБтК-нің 611-бабының 2-бөлігінде көзделген құқық бұзушылықты жасаған.

Құқық бұзушы Е. алкогольдік масаю күйінде көлік құралын жүргізгені үшін 11.03.2016 жылы сот қаулысымен ҚР ӘҚБтК-ң 608-бабының 6-бөлігімен әкімшілік жазаға тартылып, әкімшілік жазаның мерзімі аяқталғаннан кейін бір жыл ішінде, яғни 22.04.2016 жылы сағат 03:17 минут шамасында, «Toyota Carinа» маркалы, автокөлігін Әлшекей көшесінің бойында  алкогольдік масаю күйінде басқарып, ҚР ӘҚБтК-нің 608-бабының 7-бөлігінде қаралған құқық бұзушылық жасаған.