Шиелі аудандық сотында азаматтарды қабылдау жүргізілді

Сот жүйесінің  ашықтығы мен жариялылығы, қолжетімділігін қамтамасыз ету мақсатында Шиелі аудандық сотында «Ашық есік күні»  шарасы өткізілді.

Азаматтарды аудандық сот төрағасының міндетін атқарушы Ә.Түбекбаева қабылдадады.

Қабылдауға келген азаматша Д.Алтинбаева Шиелі аудандық  сотының әкелікті сот тәртібімен белгілеу жайлы ерекше іс жүргізу тәртібімен берген арызы бойынша шешімнің қате жазылғанын көрсетіп, осы мәселе бойынша көмек сұрады.

Сот төрағасының міндетін атқарушы азаматша Д.Алтинбаеваға Қазақстан Республикасы АПК-нің 235-бабының  талабына сәйкес сот шешімінде жіберілген қате жазуды түзету жайлы сотқа арызбен жүгіну құқығын түсіндірді.

Азаматша Г.Сағындықова талап қоюшы микрокредиттік ұйымның өзінен қарыз сомасын өндіруді сұраған азаматтық ісі бойынша талап қоюды қамтамасыз ету мақсатында жылжымайтын мүліктеріне, екінші деңгейдегі банктердегі есеп-шоттарына тыйым салынғанын, қазіргі уақытта қарыз сомасын толық төлегендіктен, есеп-шоттарын, мүлкін тыйымнан босатуды сұрады.

Бұл азаматшаға да Қазақстан Республикасы АПК-нің 160-бабының талабына сәйкес талап қоюды қаматамасыз етудің күшін жою жайлы сотқа арызбен жүгіну тәртібі түсіндірілді.

«Ашық есік күні» шарасы Қызылорда облыстық сотымен бекітілген кестеге сәйкес ай сайын өткізіліп отырады. Бұл шараға кез келген азамат қатысып, өзінің сот жүйесі мен сот әділдігін жүзеге асыру мәселелері бойынша туындаған сұрақтарына жауап ала алады.