Сс, 12/09/2017 - 14:38
Байқоңыр қалалық сотында Қазақстан Республикасы ӘҚБтК 517-бабының 4-бөлігімен айыпталған Тәжікстан Республикасының азаматы Н-ға қатысты әкімшілік құқық бұзушылық туралы іс қаралды.
Тәжікстан Республикасының азаматы Н. Қазақстан Республикасына келіп ішкі істер органына тіркелген .
Алайда, құқық бұзушы көші-қон карточкасында көрсетілген Қазақстан Республикасында болу мерзімі өткеннен кейін ел аумағынан кетуден жалтарып, Қазақстан Республикасының халықтың көші-қоны саласындағы заңнамасын бұзған.
Сот отырысында құқық бұзушы өз кінәсін толық мойындап, жасаған әрекетіне өкініш білдірді.
Байқоңыр қалалық сотының қаулысымен құқық бұзушы Н. Қазақстан Республикасы ӘҚБтК-нің 517-бабының 4-бөлігімен кінәлі деп танылып, 1 тәулік мерзімге әкімшілік қамаққа алынды.