Архив событий

Сырдария аудандық сотында «Мемлекеттік қызметшілердің әдеп кодексі» тақырыбында семинар сабақ өткізілді.

Шараға кеңсе меңгерушісі Д.Байдушев және сот қызметкерлері  қатысты.

Кеңсе менгерушісі мемлекеттік қызметкерлер жұмыс уақыты мен одан тыс уақытта мемлекеттік қызмет жөніндегі заңдарды ұстанып, жалпы моральдық нормаларды сақтау керектігін айтты.

Қазақстан Республикасының мемлекеттік қызметкерлердің әдеп кодексі  халықтың мемлекеттік органдарға сенімін нығайтуға бағытталған.

Арал аудандық сотында кәмелетке толмаған баланы тәрбиелеу мен оқыту жөніндегі міндеттерін орындамаған азаматша К-ға қатысты әкімшілік құқық бұзушылық туралы іс қаралды.

Іс құжаттарына сәйкес, құқық бұзушы К-ның кәмелетке толмаған 1999 жылғы баласы Ж. 2016 жылдың желтоқсан айының 19-нан 2017 жылдың қаңтар айының 14-і аралығында оқуына дәлелді себептерсіз бармаған.

Құқық бұзушының кінәсі, өзінің кінәсін мойындаған жауабымен, сондай-ақ  сотта зерттелген іс құжаттарымен толық дәлелденген.

Шиелі аудандық сотында аудандық сот судьяларының, пробация қызметі, аудандық ішкі істер бөлімі, прокуратура қызметкерлерінің, заң кеңсесінің адвокаттарының қатысуымен Қазақстан Республикасының «Пробация туралы» Заңын қолдану мәселелеріне қатысты дөңгелек үстел  өткізілді.

Қармақшы аудандық сотында азамат Б-ға қатысты әкімшілік іс қаралды.

Құқық бұзушы Б. өзінің басқаруындағы автокөлігімен Жосалы кенті М.Шоқай көшесінің бойында жол жиегінде тұрған автокөлікке соғып, нәтижесінде азамат Д-ға 100 000 (жүз мың) теңге материалдық залал келтірген.

Сот қаулысымен құқық бұзушы Б. Қазақстан Республикасының ӘҚБтК-нің 610 бабының 3 бөлігімен кінәлі деп танылып, 20 айлық есептік көрсеткіш мөлшерінде 45 380 теңге айыппұл салынды.

Қызылорда қаласының тұрғыны А. өзінің басқаруындағы «Kia» маркалы қоғамдық автокөлігімен жол жүрісі қауіпсіздігінің талаптарын сақтамай, көшелер қиылысында бұрылу бағытын күрт өзгертіп, өз жолымен қозғалыс жасап келген «Lexus» маркалы, автокөлігінің жүргізушісі Б-ның жол жүрісіне кедергі келтіріп, авариялық жағдай туғызуға әкеп соққан бұзушылықты әкiмшiлiк жаза қолданылғаннан кейiн бiр жыл iшiнде қайталап жасаған.

Сот мәжілісінде А. өз кінәсын мойындауымен қатар, оның құқық бұзушылық әрекеттері іс құжаттарымен де дәлелденіп бекітілген.

Қызылорда облысының мамандандырылған ауданаралық экономикалық сотының судьялары арасында 2016 жылдың 12 айындағы сот актілерінің бұзылу және өзгертілу себептерін талқылау бойынша  семинар сабағы өткізілді.

Іс-шараны экономикалық соттың судьясы А.Әбілқайысқызы жүргізді. Семинар сабақта сот жұмысының сапасын арттыруға байланысты сұрақтар талқыланды. Судья А.Әбілқайысқызы судьяларға азаматтық істерді қарау кезінде іс құжаттарын мұқият зерделеп, дәлелдемелерге баға беру кезінде қателіктерге жол бермеуді тапсырды.

Қызылорда қалалық сотында судьялар арасында бітімгершілік рәсімін қолдану тиімділігі тақырыбында талқылау өткізілді.

Семинар барысында судьялар Қазақстан Республикасының "Сыбайлас жемқорлыққа қарсы іс-қимыл туралы" заңымен, Судьялардың этикалық кодексі жобасымен танысып, ағымдағы үш айдың ішінде бірінші инстанциялы соттарда азаматтық істердің қаралу сапасы, ҚР Азаматтық процестік кодекстің қолданылуы мәселелері талқыланды.

Байқоңыр қалалық сотының ұйымдастыруымен Қазақстан Республикасы Үкіметінің 29 желтоқсан 2015 жылғы №1110 қаулысымен бекітілген «Адвокат көрсететін заң көмегіне ақы төлеу және қорғау мен өкілді кетуге байланысты шығыстарды өтеу мөлшерін белгілеу туралы» Ережесін талқылау тақырыбында дөңгелек үстел өткізілді.

Жаңақорған аудандық сотында жеке айыптау тәртібімен, жеке айыптаушы О-ның айыпталушылар А-ға, Б-ға, Л-ға, С-ға қатысты Қазақстан Республикасы Қылмыстық Кодексінің 108-бабымен қылмыстық жауапқа тарту жөнінде шағымданған.

Жекеше айыптаушы О. шағымында, жекеше айыпталушылар өзін себепсіз ұрып-соғып, денсаулығына қасақана жеңіл зиян келтіргенін көрсетті.

Істі қарау барысында, жекеше айыптаушы О. өзінің жеке айыптау шағымынан бас тартып,  қылмыстық істі қысқартуды сұрап, арыз тапсырды.