Қызылорда облысының қылмыстық істер жөніндегі мамандандырылған ауданаралық сотында судьялар мен сот қызметкерлерінің қатысуымен «Мемлекеттік қызметшілердің әдеп нормалары» тақырыбында семинар өткізілді.
Семинар жұмысын сот төрағасы С.Сүлеймен ашып, кеңсе меңгерушісі Қ.Сарсенбаеваға сөз кезегін берді.
Жаңақорған аудандық сотының ұйымдастыруымен «Неке бұзу, заңды маңызы бар фактілерді анықтау тағыда басқа сол сияқты қаралған азаматтық істер бойынша шығарылған сот актілерінің орындалуы тәртібі» тақырыбында дөңгелек үстел өткізілді.
Жалағаш аудандық сотының кеңсе меңгерушісі Аян Алтынбаев «Мемлекеттiк қызметшiлердiң моральдық-адамгершiлік бейнесiне және iскерлiк қасиеттеріне қойылатын талаптар және еңбек тәртібі» тақырыбында семинар сабақ өткізді.
Семинар жұмысына кеңсе меңгерушісі Аян Алтынбаев және сот мамандары қатысты.
Жаңақорған аудандық пробация қызметі сотқа сотталған К-ға «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Қазақстан Республикасының 2016 жылғы 13 желтоқсандағы Заңының 4-бабының 1-тармағының 4)-тармақшасын қолданып, жаза мерзімінің өтелмеген бөлігінің жартысын қысқарту жайлы ұсыныс келтірген.
Қармақшы аудандық сотында Қызылорда облысы әділет Департаментінің «Қармақшы ауданының аумақтық бөлімінің» борышкер Б-ға іздеу жариялау жайлы ұсынысы қаралды.
Іс құжаттарынан анықталғаны, Қармақшы аудандық сотының 09.09.2015 жылғы сот бұйрығына сай борышкер Б., өндіріп алушы А-ның пайдасына ¼ бөлікте алимент өндіріліп, сот бұйрығы орындауға тіркелген.
Сот ұйғарымымен Қызылорда облысы әділет Департаментінің «Қармақшы ауданының аумақтық бөлімінің» ұсынысы қанағаттандырылып, Б-ға іздеу жарияланды.
Арал аудандық сотында азамат Б-ның заңдық маңызы бар еңбек өтілі фактісін анықтау жөніндегі арызы бойынша азаматтық іс қаралды.
Іс құжаттарына сәйкес, арызданушы 1996 – 2002 жылдар аралығында Арал вагон жөндеу зауытында көлік жүргізуші болып жұмыс жасаған, алайда, қазіргі уақытта аталған ұйымның болмауы себепті, еңбек өтілін растайтын құжаттарды алуға мүмкіншілігі болмай, еңбек өтілі фактісін анықтау туралы талабымен сотқа жүгінген.
Шиелі аудандық сотында неке бұзу туралы азаматтық ісі медиация тәртібімен шешілді.
Талап қоюшы К. мен жауапкер А. 2012 жылы неке құрып, ортақ некеден бір бала тәрбиелеп отырғанын, алайда ортақ түсіністіктің болмауынан некесі жараспағанын көрсеткен. Ортақ шаруашылықтың жүргізілмейтінін, ортақ мүлікті бөлу және балаларды тәрбиелеу туралы даудың жоқтығын ескеріп, некені бұзуды сұраған.
Қызылорда облыстық соты