Архив событий

Қызылорда  қалалық  мамандандырылған  әкімшілік  сотының  судьясы  К.Еспенбетова  ҚР ӘҚБтК-нің 819 бабының 2-бөлігін қолдану барысы туралы  БАҚ өкілдерінің  қатысуымен  брифинг өткізді.

ҚР ӘҚБтК-нің 819 бабының 2-бөлігіне сәйкес жауаптылықты жеңілдететін мән-жайлар анықталған жағдайда судья, орган (лауазымды адам) өзіне қатысты әкiмшiлiк құқық бұзушылық туралы іс қозғалған жеке тұлғаға салынатын әкімшілік айыппұл сомасын қысқартуға, бірақ айыппұлдың жалпы сомасының отыз пайызынан аспайтындай етіп қысқартуға құқылы екендігі белгіленген.

Қызылорда  қалалық №2 сотында сотталушы А – ға қатысты үкім шықты.

Атап айтқанда, сотталушы А. жәбірленуші Е. мен ұялы телефон арқылы сөйлесіп, өзінің диплом алып беруге мүмкіншілігі бар екендігін айтып сендіріп, 250 000 теңгесін алдап алған.

Жәбірленуші Е. сот отырысы барысында сотталушыға заң жүзінде шара көруді  сұрады.

Қызылорда қалалық №2 сотында сотталушы Н-ға қатысты қылмыстық іс қаралды.

 Сотта анықталғандай, азамат Н. мейрамхана автотұрағында жәбірленуші А-мен кездесіп, Ұлттық қауіпсіздік департаментіне жұмысқа тұрғызып бере алатындығы жайлы  жалған мәлімдеген. Жәбірленуші А. оның ұсынысын қабыл алып, заңды жолдарын сұраған уақытта сотталушы Н. жеке басын тексерумен қатар медициналық тексеруден өткізу үшін 420 000 теңге беруі керектігін айтып, сол жерде 300 000 теңгесін, кейіннен 120 000 теңгесін алдап алған.

Қызылорда қалалық №2 сотында сотталушы Ж-ға қатысты қылмыстық іс қаралды.

 Сотта, азамат Ж-ның  үйінде арақ ішіп отырған уақытта, жанына ішімдік ішкен мас күйінде туған інісі Б. келіп, әңгімелесу барысында екеуі сөзге келіп қалып, сол уақытта сотталушы Ж. асхана пышағын алып, жәбірленуші Б-ны екі мәрте жарақаттағаны анықталды.

Нәтижесінде, жәбірленуші Б. алған дене жарақаттарынан қалалық ауруханасының жан сақтау бөліміне түскен.

Жәбірленуші Б. сот отырысы барысында сотталушыға кешірім беретінін айтты.

Байқоңыр қалалық сотында «Қазақстан Республикасының Тәуелсіздігіне 25 жыл толуына байланысты рақымшылық жасау» заңы  аясында брифинг өткізілді.

Брифингте қалалық сот судьясы К.Нұрпейсова бұл актінің басты мақсаты – заңды аттаған азаматтарға адамгершілік, рақымшылық таныту, сенім білдіру екендігін атап өтті.

Қызылорда қалалық №2 сотында «Қазақстан Республикасы Тәуелсіздігінің жиырма бес жылдығына байланысты рақымшылық жасау туралы» Заңын талқылауға арналған дөңгелек үстел өтті.

Аталған іс-шараға сот төрағасының міндетін атқарушы Д.Алиев, соттың судьялары мен сот қызметкерлері қатысты.

Қызылорда қалалық №2 сотында сотталушы А-ға қатысты қылмыстық іс қаралды.

Сотта, азамат А-ның  мектеп ауласында  өтіп бара жатқан жәбірленуші Р-ны қарсы кездестіріп,  бет тұсынан бір рет қолымен ұрып, оның қолындағы құны 4000 теңге тұратын қол сөмкесін тартып алып, бөтеннің мүлкін ашық жымқырғаны анықталды.

Сот үкімі бойынша сотталушы А. ҚР ҚК-нің 191-бабының 2-бөлігінің 1) тармағымен кінәлі деп танылып, мүлкі тәркіленіп, 3 жылға бас бостандығынан шектеу жазасы тағайындалып, пробациялық бақылау белгіленді.

Қызылорда қаласының №2 сотында «Мемлекеттік тілдегі құжаттардың сапасын арттыру» тақырыбында  дөңгелек үстел  өтті.

Дөңгелек үстелге №2 соттың судьялары, сот қызметкерлері, прокуратура және құқық қорғау органының қызметкерлері қатысты.

Судья А.Сайдуллаев өз баяндамасында, қаралған істер бойынша мемлекеттік тілдегі жалпы құжат айналым үлесі 2016 жылда  90% -ды құрағанын атап көрсетті.

Мемлекеттік тілде жүргізілген жалпы құжат айналымының бірден бір көрсеткіші – мемлекеттік органдар және соттар арасындағы шығыс құжат айналымы.