Архив событий

Қызылорда қалалық сотының судьялары қайырымдылық акциясын өткізді.

Жуырда Қызылорда қалалық сотында заңдық маңызы бар фактіні анықтау туралы азаматтық іс қаралған болатын. Атап айтқанда, қыз бала өзінің анасының қайтыс болғандығы туралы фактіні бекітуді сұрап сотқа арызданған. Іс қарау барысында қыздың әкесі де осы жылдың басында ауыр науқастан қайтыс болғандығы анықталды. Одан кейін жақында анасы қатты ауырып, жедел жәрдеммен ауруханаға жеткізіліп, сырқаттың себебін анықтау барысында мезгілсіз көз жұмған. Жанұяларында өзінен басқа кәмелетке толмаған төрт бала қалған.

Сот қоржынына қала тұрғыны Кенжеғараев Қуанышбек Құдайбергенұлынан іс қараған судьяға қатысты  алғыс  хат  келіп түсті.

Алғыс хатта мекемеде жұмыс жасау барысында денсаулығына келтірілген зиянды өндіру туралы азаматтық істі қарау барысындағы судья Досымжан Мүслімұлы Райқұловтың қойылған талап мәнісін жан-жақты, объективті және бейтарап анықтағандығын атап көрсеткен.

Алғыс хат иесі өзінің және отбасының атынан судьяның қырағылығына және білімділігіне тәнті болғандарын, қарапайым адамдардың құқығын қорғауда шыншылдығы мен  әділдігіне ризашылығын білдірген.

Қызылорда қалалық сотының төрағасы А.М.Бабатов Қызылорда қалалық сотының судьялары және кеңсе қызметкерлерінің қатысуымен жедел кеңес өткізді.

Жедел отырыста сот төрағасы сот мұрағатының жұмысына және қаралып аяқталған азаматтық істердің сот кеңсесіне өткізілу барысына тоқталды. Сондай-ақ, Қызылорда облыстық сотымен жасалған тексеру қорытындысы талқыланып, ондағы көрсетілген кемшіліктерді жою мақсатында атқарылуы тиіс негізгі іс-шаралар нақтыланды.

Қызылорда қалалық сотында талап қоюшы С-ның жауапкер Б-дан материалдық шығынды өндіру туралы талап қою арызымен қозғалған азаматтық ісі қаралды.

Істі қарау барысында сот тарапынан талап қоюшы С. мен жауапкер Б дауды  партисипативтік тәртіппен шешу жөніндегі құқықтары түсіндіріліп, осыған орай, талап қоюшы мен жауапкердің сенім хаты негізінде әрекет етуші адвокаты партисипативтік тәртіппен реттеу туралы келісімге келгендерін, сондықтан осы келісімді бекітіп, іс бойынша іс жүргізуді тоқтатуды сұраған.