Архив событий

2016 жылы 26 ақпан күні  Сырдария аудандық сотында Қызылорда облысының кәмелетке толмағандардың істері жөніндегі мамандандырылған ауданаралық сотының төрағасы А.Әбу семинар сабағын өткізді.

Іс-шараға Қызылорда қалалық сотының төрағасы А.Бабатов, Сырдария аудандық сотының төрағасы А.Абдулла, кеңсе меңгерушінің міндетін атқарушы Б.Бисенбай  қатысты.

Семинарды Қызылорда облысының кәмелетке толмағандардың істері жөніндегі мамандандырылған ауданаралық сотынының төрағасы А.Әбу ашып, баяндама  жасады.

26 ақпан 2016 жылы Қармақшы аудандық сотында Қазақстан Республикасының ӘҚБтК-ң  608-бабының 1-бөлімімен азамат  С-ға қатысты әкімшілік іс қаралды.

Іс материалдарына сәйкес, азамат С., жүргізуші ретінде жол қозғалысы ережесінің 2-тарауы 4-бөлігі 2-тармағының талабын бұзып, «Газ-321132-24» маркалы  автокөлік құралын алкогольді масаю күйінде басқарған.

Жаңақорған аудандық сотымен сотталушы А. жәбірленуші С-мен медиация тәртібімен татуласуына байланысты жауаптылықтан босатылды.

Қылмыстық іс құжаттарына сәйкес, сотталушы А. сыбайласы О. екеуі қоймаға заңсыз кірумен бөтеннің мүлкін жасырын ұрлауға алдын ала сөз байласып, жәбірленуші С-ның мал қорасына заңсыз кіріп, байлаулы тұрған бағасы 250 000 теңге болатын жылқысын, жалпы құны 7000 теңге болатын тұрмыс құралдарын жасырын жымқырып, ұрлық жасап, жәбірленушіге жалпы 257 000 теңге зиян келтірген.

Құқық бұзушы Г. өзінің үйінде әйелі С-ға қарсы ар-намысына тиетін балағат сөздер айтып, былапыт сөйлеп, отбасы-тұрмыстық қарым-қатынастағы азаматтарға сыйламаушылық білдірген.

Сотта құқық бұзушы Г. кінәсін толық мойындап, шын жүректен өкінетінін білдірді.

Жәбірленуші С. соттан өзінің күйеуі құқық бұзушы Г. заң талаптарына сай шара көруді сұрады.

Қазалы аудандық сотында 2016 жылдың ақпан айының 26 күні Қазақстан Республикасының ӘҚБтК-нің 434-бабының 1-бөлігімен құқық бұзушы М-ға қатысты әкімшілік іс қаралды.

Құқық бұзушы М. Әйтеке би кенті, Жанқожа батыр көшесі бойына күл-қоқыс төгіп, белгіленбеген орындарға коммуналдық қалдықтарды шығарып, ортақ пайдалану орнын ластаған.

Қазалы аудандық сотының қаулысымен құқық бұзушы М. Қазақстан Республикасының ӘҚБтК-нің 434-бабының 1-бөлігімен кінәлі деп танылып, оған әкімшілік жаза ретінде 14847 теңге айыппұл салынды.