Ср, 21/06/2017 - 08:33
Сырдария аудандық сотында ҚР ӘҚБтК-нің 434 бабының 1 бөлігінде көзделген құқық бұзушылықты жасаған құқық бұзушы Д-ға қатысты әкімшілік іс қаралды.
Іс құжаттарына сәйкес, құқық бұзушы Д. Қызылорда қаласы, С.Бейбарыс көшесі бойында өзінің шегіп тұрған темекі қалдығын тастап, ортақ пайдалану орнын ластап, төңірегіндегілерге сыйламаушылық білдіретін іс-әрекетті жасаған.
Сот отырысында құқық бұзушының ұсақ бұзақылық әрекеті, өзінің кінәсін мойындаған жауабымен, сондай-ақ сотта зерттелген іс құжаттарымен толық дәлелденді.
Сот әкімшілік жаза тағайындау барысында, құқық бұзушының кінәсін мойындап, жасаған құқық бұзушылығына өкінетінін жеңілдететін мән-жай ретінде танып, ӘҚБтК-нің 819 бабының 2 бөлігін басшылыққа алып, оған салынатын 10 айлық есептік көрсеткіш көлеміндегі 22690 теңге айыппұлды 30 пайызға қысқартып, 15883 теңге айыппұл салды.