Архив событий

Бүгін Қызылорда облыстық сотында байланыс және ақпарат қызметкерлері күніне орай салтанатты жиын өтті.

Қызылорда облыстық сотының төрағасы Қамбар Нұрышев БАҚ өкілдерін төл мерекесімен құттықтап, олардың сот жүйесі жұмысын жариялаудағы орасан зор еңбегін атап өтіп, кәсіби репортаждары үшін алғысын білдірді. 

«Мен сіздердің риясыз еңбектеріңізге үлкен ризашылығымды білдіремін. Сіздерге шабыт, үздіксіз шығармашылық ізденістер, жаңа идеяларыңыз бен жобаларыңыздың табысты іске асуын тілеймін», - деді Қамбар Нұрышев.

Қызылорда қалалық сотының судьялары облыстық және қалалық қоғамдық телеарна қызметкерлерін кәсіби мереке – Байланыс және ақпарат қызметкерлері күнімен құттықтады.

Мерекеге лайықтап Қазақстан РТРК Қызылорда облысы бойынша филиалы басшысының орынбасары Қасымова Айсұлу Жұмабайқызы мен Қызылорда қоғамдық телеарнасы басшысының орынбасары Құлтанова Баян Рахатқына сыйлықтар мен алғыс хаттар табыс етті.

Қызылорда облысының қылмыстық істер жөніндегі мамандандырылған ауданаралық сотының баспасөз хатшысы Роза Хизатова БАҚ өкілдеріне брифинг өткізді.

Брифингте Хизатова Роза сотқа құжаттарды сот кабинеті сервисі арқылы жолдау мүмкіндігінің тиімділігін айтып, «Сот кабинеті» электрондық ақпараттық сервисіне тіркелу тәртібі, электрондық құжаттарды сотқа беру тәртібі, келіп түскен құжаттарды қабылдау  және тіркеу тәртібі жөнінде БАҚ өкілдерінің қойған сұрақтарына жауап берді.

Қалыптасқан үрдіске сай, Арал аудандық сотында «Ашық есік күні» шарасы өткізілді. Шараның өткізілетіні туралы алдын-ала аудандық «Толқын» газетінде хабарлама жарияланған.

Қабылдауға келген азаматтарды аудандық соттың төрағасы Е.Тұрбаев  қабылдады.

«Ашық есік күні»  шарасы халыққа құқықтық көмек көрсету, құқықтық мәдениетті арттыру, азаматтардың сот жүйесіне сенімінің деңгейін көтеру, сонымен қатар, сот төрелігіне қолжетімді ету мақсатында өткізілді.