Архив событий

Қызылорда облыстық сотында атқару құжаттарын электронды жолдау кезінде туындайтын мәселелерді талқылау мақсатында «дөңгелек үстел» өтті.

Жиынға Қызылорда облысы бойынша соттар әкімшісінің кеңсе меңгерушісі Е.Бөрібаев, аудандық және оған теңестірілген соттардың кеңсе меңгерушілері, Қызылорда облысы бойынша Әділет Департаментінің және жеке сот орындаушылардың өкілдері қатысты.

Сырдария аудандық сотында азамат Н-ға қатысты Қазақстан Республикасының Әкімшілік құқық бұзушылық туралы Кодексінің 383 -бабының 3-бөлігімен ( әуесқойлық (спорттық)  балық аулауды қоспағанда, тыйым салынған мерзімдерде, тыйым салынған құралдармен немесе тәсілдермен, тыйым салынған жерлерде балық аулау қағидаларын, сондай-ақ балық ресурстарын және басқада су жануарларын пайдаланудың басқа да түрлерін жүзеге асыру қағидаларын, қылмыстық жазаланатын іс-әрекет белгілері  жоқ  өрескел  бұзу  жөніндегі) әкімшілік  ісі  қаралды.

Қызылорда қаласының мамандандырылған әкімшілік сотында азамат И-ге қатысты  ҚР ӘҚБтК-ң 200 бабының 3 бөлігімен әкімшілік іс қаралды.

Құқық бұзушы И. дүкенде азамат К-ға 1 шөлмек сыраны сатып, Қазақстан Республикасы заңнамасының алкоголь өнімін өткізу жөніндегі талаптарын бұзып, сағат 23-тен келесі күнгі 8-ге дейінгі аралықта тұтынушыға алкоголь өнімін өткізгені үшін  полиция қызметкерлерімен ұсталып, оған қатысты әкімшілік құқық бұзушылық туралы хаттама толтырылып, сотқа жолданған.

Қызылорда қаласының мамандандырылған әкімшілік соты қызметкерлері арасында «Қазақстан Республикасы мемлекеттік қызметі туралы» Заңы  тақырыбында семинар өткізілді.

Қазалы аудандық сотында азамат М-ға қатысты әкімшілік құқық бұзушылық туралы іс қаралды.

Азамат М., өндіріп алушы Г-ның пайдасына кәмелетке толмаған балаларын асырап бағу үшін 1/2 бөлікте алимент өндіру туралы Қызылорда қалалық сотының 24.10.2012 жылғы сот бұйрығын орындамай,  берешек алимент қарызы 1 461 439 теңгені құраған.

Сот отырысында азамат М. құқық бұзушылық әрекетін толық мойындап, алимент қарыздарын тұрақты жұмысы болмағандықтан төлемегенін, сот актісін орындау мүмкін болмай жүргенін жеткізді.

Талапкер «Қ» коммуналдық мемлекеттік мекемесі сотқа талап арыз беріп, онда жауапкер «Н» жеке кәсіпкерінен 253 800 теңге қарызды өндіруді сұраған.

Іс құжаттарына сәйкес,  2015 жылдың 15-сәуірінде тараптар арасында мемлекеттік сатып алу туралы шарт жасалған. Келісім шартқа сәйкес тауарды тапсырыс берушінің өтінімі жеткізуге міндеттенген.

Алайда, жауапкер шарт бойынша өз міндеттемесін бүгінгі күнге дейін орындамаған.