Дс, 09/10/2017 - 17:29
Қызылорда облысының кәмелетке толмағандардың істері жөніндегі мамандандырылған ауданаралық сотында судьялар мен жергілікті бұқаралық ақпарат құралдары өкілдерінің қатысуымен брифинг өткізілді.
Брифинг барысында сот төрағасы Қ.Абдуллаев аудандық соттың 2017 жылдың 9 айында сот әділдігін жүзеге асыру барысында атқарған жұмыстарының қорытындысы бойынша мәліметтер берді.
2017 жылдың 9 айында аудандық сотта 35 қылмыстық, 165 әкімшілік, 519 азаматық іс қаралып аяқталды.
Азаматтық істер бойынша 421 шешім шығарылып, 60 іс өндірістен қысқартылған. 31 іс медиация тәртібімен қысқартылса, 1 іс партисипативтік тәртіппен қысқартылған. Қылмыстық істер бойынша 35 қылмыстық іс аяқталып, оның ішінде 49 адамға қатысты 28 іске үкім шығарылып, 10 адамға қатысты 7 іске қаулы шығарылып, 2 адамға қатысты 2 іс прокурға қайтарылған. 1 адамға қатысты 1 қылмыстық ісі медиация тәртібімен тоқтатылды.
Әкімшілік істер бойынша 165 әкімшілік іс қаралған, 144 әкімшілік іс бойынша әкімшілік жазаға тарту туралы қаулысы шығарылып, 16 әкімшілік іс өндірістен тоқтатылып, 1 іс бойынша құқық бұзушыға ескерту берілген, 4 әкімшілік іс соттылығы бойынша жолданаған.
Төраға Қ.Абдуллаев аудандық сотта кәмелетке толмағандармен жасалған ұсақ бұзақылық (ҚР ӘҚБтК-ң 435 бабы), кәмелетке толмағандардың түнгі уақытта ойын-сауық мекемелерінде болуына жол беру (ҚР ӘҚБтК-ң 132 бабы), кәмелетке толмағандардың заңды өкілдерінің еріп жүруінсіз түнгі уақытта ойын-сауық мекемелерінде немесе тұрғын жайдан тыс жерде болуы (ҚР ӘҚБтК-ң 442 бабы) санатындағы істердің көбейгенін айтып өтті.
Шара соңында төраға Қ.Абдуллаев БАҚ өкіліне алғысын білдіріп, одан әрі бірлесе отырып жұмыс жасауға шақырды.