Қылмыстық іс бойынша брифинг өткізілді

Қазалы аудандық сотындажергілікті «Серік ТВ» телеарнасы өкілінің қатысуымен брифинг өтті. Брифингті аудандық сот судьясы М.Оспанов жүргізді.                                                                                                                

Шара барысында судья М.Оспанов ҚК-нің 293-бабының 2-бөлігінің 1-тармағымен айыпталған  Н. мен Н-ға қатысты қылмыстық ісі бойынша ақпарат берді.                                                                                                                     

Іс құжаттарына қарағанда, сотталушылар алькоголдік еліту жағдайында, адамдар тобы болып, жәбірленуші Р-ға себепсіз тиісіп, оны екеуі ұрып-соғып, соңғының денсаулығына «жеңіл» дәрежелі зиян келтірген.   

Сот отырысы алдында тараптар медиатор көмегіне жүгініп, екі жақ келісім жасап, татуласып, қылмыстық іс медиатордың қатысуымен аяқталды.

Сот қаулысымен азаматтар Н. мен Н. ҚК-нің  68-бабының 1- бөлігінің талабына сай, қылмыстық жауаптылықтан босатылып, қылмыстық іс өндірістен тоқтатылды.                                                                                                 

Қаулы заңды күшіне енген жоқ.