Ср, 14/06/2017 - 16:20
Қызылорда облысының кәмелетке толмағандардың істері жөніндегі мамандандырылған ауданаралық сотымен кәмелетке толмаған баланың тұрғылықты мекен жайын анықтау туралы азаматтық іс қаралды.
Іс құжаттарына сәйкес талапкер У. сотқа жауапкер Н-ға қатысты кәмелетке толмаған баланың тұрғылықты мекен-жайын анықтау туралы талап арыз берген.
Алдын ала сот отырысында талапкер мен жауапкер сотқа дауды медиация тәртібімен реттеу туралы өтініш берді.
Тараптар дауды ҚР-ның «Медиация» заңына сәйкес реттеп, соттан келісімді бекітуді сұраған.
Сот, тараптардың пікірін тыңдап, іс-құжаттарын зерделеп, дауды медиация тәртібімен реттеуді жөн деп тапты.
Сөйтіп сот ұйғарымымен азаматтық іс тоқталылып, кәмелетке толмаған Б-ның тұрғылықты мекен-жайы әкесімен бірге белгіленді.