Автобустар аялдамасын ластағаны үшін айыппұл салынды

Байқоңыр қалалық сотында азамат А-ға қатысты Қазақстан Республикасы ӘҚБтК-нің 434-бабының 1-бөлігімен жинақталған әкімшілік іс қаралды.

Азамат А. Қызылорда қаласында, автобустар аялдамасы жанында төңiрегiндегiлердi сыйламаушылықты бiлдiретiн Қазақстан Республикасының ӘҚБтК-нің 434-бабы 1-бөлігімен көзделген қоғамдық тәртіпті бұзып, тартқан шылымының қалдығын жерге тастап, қоғамдық орынды ластаған.

Сот қаулысымен, азамат А. Қазақстан Республикасының ӘҚБтК-нің 434-бабы 1-бөлігімен кінәлі деп танылып, 10 айлық есептік көрсеткіш мөлшерінде 22 690 теңге әкімшілік айыппұл салынды.

Сот қаулысы заңды күшіне енбеген.