Дс, 10/07/2017 - 17:30
Қызылорда облысының кәмелетке толмағандардың істері жөніндегі мамандандырылған ауданаралық соты жауапкерді ата-аналық құқығынан айырды.
Сотқа талапкер Қызылорда қалалық қамқоршылық және қорғаншылық жөніндегі функцияларды жүзеге асыратын орган талап арыз беріп, онда жауапкер К-ның Қызылорда облысының кәмелетке толмағандардың істері жөніндегі мамандандырылған ауданаралық сотының шешімімен кәмелетке толмаған үш баласына қатысты ата-аналық құқығынан шектетілгенін, жауапкер осы уақытқа дейін алимент төлемей, балалармен қарым-қатынас жасамағанын, оларды іздеп келмегенін, қазіргі таңда жауапкердің баспанасы жоқ, материалдық жағдайы ауыр екенін, өзі ішкілікке салынғанын көрсетіп, соттан жауапкер К-ны кәмелетке толмаған балаларына қатысты ата-аналық құқығынан айыруды сұрады.
Сот шешімімен талапкердің талап арызы қанағаттандырылып, жауапкер ата-аналық құқығынан айырылды.