Жаңақорған аудандық сотында әкімшілік іс бойынша брифинг өткізілді

Жаңақорған аудандық сотында жергілікті «Жаңақорған тынысы» газетінің тілшісі Әлібек Жарықбаевтың қатысуымен брифинг өткізілді.

Брифингте аудандық соттың судьясы Бақытбек Елшібеков Қазақстан Республикасы  ӘҚБтК-нің 461-бабында көзделген  құқық бұзушылық жасаған азамат А.-ға қатысты ақпарат берді.

Бұрын отбасы-тұрмыстық қатынастар саласындағы құқыққа қарсы іс-әрекеттері үшін әкімшілік жазаға тартылған адам бола тұра, құқық бұзушы А. алкогольдік масаң күйінде, әйелін балағаттап, сыйламаушылық көрсеткен. 2017 жылдың 17 қыркүйектегі тұрмыстық зорлық-зомбылықты болдыртпау мақсатында өзіне Жаңақорған АІІБ-мен шығарылған қорғау нұсқамасын бұзып, Қазақстан Республикасының ӘҚБтК-нің 461-бабында көзделген әкімшілік құқық бұзушылықты жасаған. Аудандық соттың қаулысымен құқық бұзушы Қазақстан Республикасы ӘҚБтК-нің 461-бабында көзделген әкімшілік құқық бұзушылықты жасағаны үшін кінәлі деп танылып әкімшілік  қамаққа  алынды. 

Брифинг соңында БАҚ өкілі аталған әкімшілік іс бойынша сауалдар қойып, қойған сауалдарына нақты жауаптарын алды.