жм, 10/03/2017 - 14:13
Шиелі аудандық сотында «Шарайна-Сейхун» газеті тілшісінің қатысуымен брифинг өтті.
Брифингте аудандық соттың судьясы А.Тубекбаева Қазақстан Республикасы ҚК-нің 190-бабының 3-бөлігінің 1-тармағымен сотталушы С-ның қылмыстық ісі бойынша ақпарат берді.
Сотталушы С., бөтеннің мүлкін сенімді теріс пайдалану жолымен «150 дана қоқыс жәшіктерін әкеліп беремін деп» жәбірленушіден алаяқтық жолмен барлығы 1 897 500 теңге көлемінде ақшасын алдап алып, өзінің міндеттеме бойынша міндетін орындамай ҚР ҚК-нің 190-бабының 3-бөлігінің 1-тармағында қаралған қылмыс жасаған.
Басты сот талқылауында сотталушы С-ның кінәсі өзінің мойындау жауабымен, жәбірленуші және куәлардың жауаптарымен және өзге де іс бойынша жинақталған құжаттармен толық дәлелденді.
Сот үкімімен сотталушы С., Қазақстан Республикасы ҚК-нің 190 бабының 3-бөлігінің 1 тармағымен кінәлі деп танылып, оған жеке мүлкін тәркілеп 3 жылға бас бостандығынан айыру жазасы тағайындалып, жазасын жалпы режимдегі түзеу колониясында өтеу белгіленді.
Брифинг соңында баспасөз өкілі тараптарынан қылмыстық іс бойынша сауалдар қойып, сауалдарына нақты жауаптарын алды.