Архив событий

2017 жылдың 13 наурыз күні Қызылорда облысының қылмыстық істер жөніндегі мамандандырылған ауданаралық сотында «Ашық есік күні» іс-шарасы өткізілді.

«Ашық есік» күні келген қала тұрғынын сот төрағасы С.Сүлеймен қабылдады.

Сотқа келген Қызылорда қаласының тұрғыны А. өзін толғандырып жүрген сұрағын қойды. Ол осы соттың үкімімен сотталған баласына қатысты үкім көшірмесін, апелляциялық алқасының сот актісінің көшірмесін қалай алуға болатынын сұрады.  Бұл сұраққа сот төрағасы толыққанды жауап берді.

Жалағаш аудандық  сотында «Қазақстан Республикасының кейбір заңнамалық актілеріне азаматтық, банктік заңнаманы жетілдіру және кәсіпкерлік қызмет үшін жағдайды жақсарту мәселелері бойынша Қазақстан Республикасының 2017 жылғы 27 ақпандағы № 49-VІ Заңымен өзгерістер мен толықтырулар енгізу» тақырыбына дөңгелек үстел өтті.

Шараға аудандық сот төрағасы А.Мизанбаев, судья Т.Темірбаев, аудандық прокуратура, адвокатура, әділет басқармасы өкілдері және сот ұжымы қатысты.

Қызылорда облысының кәмелетке толмағандардың істері жөніндегі мамандандырылған ауданаралық сотында қызметкерлер арасында «Аудандық және оған теңестірілген соттарда іс қағаздарын жүргізу қағидаларын бекіту бойынша» өкімін талқылау туралы семинар сабағы өткізілді.

Семинар барысында кеңсе меңгерушісі М.Асанова толықтыруларға сәйкес: сот мәжілісінің  хатшысы талап арызды қабылдаған күннен бастап үш жұмыс күні ішінде жауапкерге және үшінші тұлғаларға талап арыздың және оған қоса берілген құжаттардың көшірмелерін жіберетінін атап өтті.

Арал аудандық сотында азамат Б-ға қатысты әкімшілік құқық бұзушылық туралы іс қаралды.

Сот талқылауы барысында, Қазақстан Республикасының «Тұрмыстық зорлық-зомбылық профилактикасы туралы» Заңының 20-бабына сәйкес, Арал аудандық жергілікті полиция қызметі бөлімінің қызметкерлерімен құқық бұзушыға қатысты қорғау нұсқамасы толтырылып, ол бойынша құқық бұзушыға жанұя мүшелеріне қатысты қандай да бір жан немесе тән азабын келтіретіндей әрекеттер жасауға тыйым салынғаны анықталған.

Байқоңыр қалалық сотында сотталушы С-ға қатысты Қазақстан Республикасы ҚК-нің 188-бабының 1-бөлігі бойынша қылмыстық іс қаралды.

Сотта анықталғандай, сотталушы С. жасырын түрде жәбірленушінің үйінен алтындарын жымқырып, оқиға болған жерден бой тасалаған. Нәтижесінде жәбірленушіге жалпы құны 179 180 теңге мүліктік шығын келтірген.

2017 жылдың 16 наурызда сағат 10:00 ден 12:00 аралығында Қызылорда қаласының мамандандырылған әкімшілік сотында кезекті «Ашық есік күні» іс-шарасы өткізілетіндігін  хабарлаймыз.

«Ашық есік  күніне» тілек білдіруші барлық қала тұрғындары қатысып, сұрақтарын қоюға мүмкіндіктері бар.

Іс-шараның өткізілу мақсаты азаматтардың құқықтық мәдениетін көтеру және сот  төрелігінің  қолжетімділігін арттыру болып табылады.

Азамат Е. Шиелі кенті Жүргенов көшесі бойында масаң күйде қоғамдық имандылыққа және адамдық қадір-қасиетіне нұсқан келтіретіндей жағдайда, яғни масаң жүрген деген негізде Шиелі АІІБ-нің қызметкерлерімен ҚР ӘҚБтК-нің 440-бабының 4-бөлігімен әкімшілік құқық бұзушылық туралы хаттама толтырылып,   сотқа жолданған.