Архив событий

2015 жылдың 16 наурызы күні Сырдария аудандық сотында «Соттардағы жаңа ақпараттық технологиялардың мүмкіндіктері» тақырыбында брифинг іс-шарасы өткізілді.

Аталған іс-шараға Сырдария аудандық сотының төрағасы А.Абдулла, аудандық прокурорының көмекшісі Е.Алтынбай, аудандық ішкі істер бөлімінің орынбасары Е.Әльжанов, аудан әкімдігінің құжаттамалық бөлімінің меңгерушісі Х.Бихожаев, «Тіршілік тынысы» редакциясының өкілі Б.Жанәлі, аудандық сотының кеңсе меңгерушісі мен баспасөз хатшысы қатысты. 

Жалағаш аудандық сотында ағымдағы жылдың наурыз айының 13-күні  аудандық прокуратураның, аудандық ішкі істер бөлімінің, аудандық қаржы бөлімінің, сот қызметкерлерінің  қатысуларымен «Сот кабинеті» электронды ақпараттық сервисі туралы брифинг өтті.

Брифинг мақсаты – бүгінгі таңда халыққа қолжетімді бола бастаған жаңа электронды қызметтер туралы ақпараттандыру жұмыстарын түсіндіру.

        Қармақшы аудандық сотында жергілікті құқық қорғау органдарының өкілдерінің және аудан халқының қатысуымен Қазақ хандығының 550 жылдығына орай, Қызылорда облыстық сотының ұйымдастыруымен 2015 жылдың 15 мамырында Қорқыт Ата атындағы Қызылорда Мемлекеттік университетінің студенттер сарайында «Қасқа жолды Қасым хан» атты  республикалық ғылыми-тәжірибелік конференция өтетіндігі насихатталды.

            Қасым ханның қасқа жолын қазіргі сот жүйісінде де пайдаланып, әділ шешім шығару болып табылады. Конференцияның мақсаты да осында.

«30» наурыз 2015 жылы сағат 16.00-ден 18.00-ге дейін, Байқоңыр қалалық сотының ғимаратында  Байқоңыр қалалық сотының төрағасы мен судьяларының қатысуымен «Ашық есік күні»  өткізіледі.

Шешуін таппай жүрген мәселелері бойынша сот төрағасы мен судьялардың қабылдауында болып, көкейде жүрген сұрақтарын қойып, өз пікірлері мен ұсыныстарын келтіремін деуші азаматтарға төменде көрсетілген мекен - жайға хабарласуларына болады.

Байқоңыр қаласы, Максимов көшесі, 17 «а» үй.

Байланыс телефоны: 8(33622) 7-05-81, 7-38-55

2015 жылдың наурыз айында Жалағаш аудандық сотында азамат М.-ға қатысты әкімшілік іс қаралды.

Іс бойынша азамат М. мас күйінде жұбайына себепсіз ұрыс шығарып, былапыт сөйлеген, мазасын алған.

Сот отырысында М.-ның бір жыл ішінде екінші мәрте осындай  құқықбұзушылық жасағаны белгілі болды.

Сот М.-ны ҚР ӘҚБтК-нің 73 бабы 2 бөлігі бойынша кінәлі деп танып, 10 тәулікке әкімшілік қамаққа алу түрінде әкімшілік жаза тағайындады.