Бүгін - Ұлттық киім күні
Наурызнаманың онкүндігі елімізде ұрпақтан ұрпаққа жалғасып келе жатқан халқымыздың салт-дәстүрін айрықша қастерлеп, ұлықталатын кез. Наурыз мейрамының бесінші күні – Ұлттық киім күні.
Қазақтың ұлттық киімі – қазақ мәдениетінің ажырамас бөлігі. Қазақы киімнің барша сәнділігі оның ою-өрнегінде, әрбір әшекейінде халқымыздың тарихының, ой-дүниесінің қайталанбас көрінісі жатыр.
Сондықтан, дәстүрімізге сай, атадан-балаға мирас болып келе жатқан ұлттық киімдерді ұлықтау мақсатында Ұлттық киімге арналған бұл күннің маңызы зор.