Дс, 17/07/2017 - 18:08
Жаңақорған аудандық сотында азамат А-ға қатысты Қазақстан Республикасының ӘҚБтК-нің 434-бабының 1-бөлігімен қозғалған әкімшілік құқық бұзушылық туралы іс қаралды.
Іс құжаттарына сәйкес азамат А. Жаңақорған кентінде орналасқан бильярд клубы ішінде кент тұрғыны азаматша Ж-ға былапыт сөйлеп, балағаттап, төңірегіндегілерге сыйламаушылық білдіріп, ұсақ бұзақылық жасаған.
Сот отырысында азамат А-ның құқық бұзушылық әрекеті өзінің кінәсін мойындау жауабымен қатар іс бойынша жинақталған құжаттармен өз дәлелін тапты.
Аудандық соттың қаулысымен азамат А. Қазақстан Республикасы ӘҚБтК-нің 434-бабының 1-бөлігімен кінәлі деп танылып, оған 22 690 теңге әкімшілік айыппұл салу жазасы тағайындалды.
Қаулы заңды күшіне енбеген.