Сот қарыз сомасын төлеуді міндеттеді

Арал аудандық сотында талап қоюшы Т-ның жауапкер А-дан қарыз сомасын өндіру туралы азаматтық ісі қаралды.

Іс құжаттарына сәйкес, жауапкер А. 2016 жылдың 29 маусымында талап қоюшы Т-дан екі ай көлемінде қайтаратын болып, 100 000 теңге қарызға ақша алған. Бірақ, талап қоюшының бірнеше мәрте сұрағанына қарамастан, жауапкер қарыз ақшасын қайтармаған.

Қазақстан Республикасының Азаматтық Кодексінің 272 бабының талабына сәйкес, міндеттеме-міндеттеме шарттары мен заң талаптарына сәйкес тиісінше орындалуға тиіс.

Сот аталған істі тараптарды шақырмай оңайлатылған (жазбаша) іс жүргізу тәртібімен қарап, талапты толық көлемде қанағаттандырды.